ده‌بێت به‌کارهێنه‌رانی فه‌یسبووک له‌م مه‌ترسیه‌ گه‌وره‌یه‌ ئاگه‌دار بن

له‌لایه‌ن: سه‌روه‌ر حسێن · Jeneuary 17, 2015

.


به‌كارهێنه‌رانی فه‌یسبووك له ‌هه‌ڕه‌شه‌یه‌كی نوێ بۆ سه‌ر سێكیوریتییان ئاگادارده‌كرێنه‌وه‌.


نوێترین هه‌ڕه‌شه‌‌ی سێكیوریتی بۆ سه‌ر به‌كارهێنه‌رانی فه‌یسبووك به‌رنامه‌یه‌كی ڤایرۆساوی (ماڵوێر)ه‌و به‌هۆیه‌وه‌ سكامێكی سێكسی له‌ماوه‌ی ته‌نیا دوو رۆژدا به‌ناو زیاتر له‌ 110 هه‌زار ئه‌كاونتی فه‌یسبووكدا بڵاوبووه‌ته‌وه‌.


له‌ڕێگه‌ی ئه‌و به‌رنامه‌ ڤایرۆساوییه‌وه‌ به‌كارهێنه‌رانی به‌ركه‌وتوو، ده‌كه‌ونه‌ ته‌ڵه‌ی كلیككردن له‌سه‌ر لینكی دیمه‌نێكی ڤیدیۆیی سێكسی و دواتریش داوای دابه‌زاندنی نوێترین ڤێرژنی ڤلاش پله‌یه‌ر ده‌كرێت بۆ بینینی. هه‌ر كه‌ كلیكت كرد كۆمپیوته‌ره‌كه‌ت ترۆجانی تێده‌كه‌وێت و له‌ڕێگه‌ی ئه‌وه‌وه‌ ده‌كرێت شته‌كانی ناو كۆمپیوته‌ره‌كه‌ت بدزرێن.


مه‌ترسییه‌كه‌ زۆر ترسناكه‌ چونكه‌ هه‌ر له‌ڕێگه‌ی ئه‌م به‌رنامه‌ ڤایرۆساییه‌وه‌ لینكی ڤیدیۆكه‌ له‌گه‌ڵ هه‌ر جارێك پۆستكردنیدا بۆ 20 فرێند تاگ ده‌بێت و به‌هۆی ئه‌مه‌وه‌ ئه‌و به‌رنامه‌یه‌ ئه‌وه‌نده‌ به‌خێرایی بڵاوده‌بێته‌وه‌.


تائێستا فه‌یسبوك هیچ لێدوانێكی ره‌سمی له‌باره‌ی ئه‌م به‌رنامه‌یه‌وه‌ نه‌داوه‌، به‌ڵام چاودێران ئامۆژگاری به‌كارهێنه‌رانی فه‌یسبووك ده‌كه‌ن كه‌ كلیك له‌سه‌ر ئه‌و لینكانه‌ نه‌ك كه‌ ناوه‌ڕۆكی سێكسییان هه‌یه ‌و و ئه‌دۆب فلاش پله‌یه‌ر له‌ڕێگه‌ی ماڵپه‌ڕی ره‌سمی ئه‌و به‌رنامه‌یه‌وه‌ نه‌بێت، داونلۆد نه‌كه‌ن.




                           ماڵپه‌ڕی کێردش-پاوه‌ر : www.Kurdish-Power


                       -:: له‌گه‌ل ڕێزدا به‌رێوبه‌ری ماڵپه‌ر : سه‌روه‌ر حسێن ::-