لەدوای مردنت ئەکاونتەکەت چی لێدەکەیت

له‌لایه‌ن: سه‌روه‌ر حسێن · February 3, 2015

بەڕێوەبەرانی تۆڕی کۆمەڵایەتی فەیسبووک خزمەتگوزارییەکی نوێیان کاراکردووە بۆئەوەی چارەنووسی ئەکاونتەکەت دیاری بکەیت لەدوای مردنت.
ئەو خزمەتگوزارییە نوێیە ناوی (Legacy Contact)ە و دەکرێت بچیتە ناویەوە و ئەو کەسە دیاری بکەیت بۆئەوەی لەدوای مردنت ئەکاونتەکەت بگرێتە دەست، ئەو خزمەتگوزارییە نوێیە زانیارییەکانت لەبارەی فەیسبووکەکەتەوە دەنێرێت بۆ ئەو کەسەی دیاریت کردووە، ئەوەش پێویستی بەوەیە لەدوای مردنت فەیسبووک دڵنیابکرێتەوە لەوەی تۆ نەماویت.
ھاوکات ئەو کەسەی دیاری دەکەیت توانای ھەیە پۆست لەسەر دیوارەکەت بکات لە ئەکاونتەکەی تۆوە و وەڵامی داوای ھاوڕێیەتی بداتەوە، ھەروەھا وێنەی پرۆفایلەکەت دەگۆڕێت، بەڵام ھیچ کات نامەکانت نابینن و رێگەپێدانی ئەوەیان نییە، خزمەتگوزارییەکە لە ئەمەریکا چالاککراوە و لەماوەی چەند ھەفتەیەکی تردا بە ھەموو جیھاندا بڵاودەبێتەوە.